Programa XUVENTUR ( Fines de semana de turismo rural e aventura)

O director xeral de Xuventude e Voluntariado, Ovidio Rodeiro Tato, e mais a secretaria xeral para o Turismo, Carmen Pardo López presentaron hoxe o programa Xuventur, organizado pola Xunta de Galicia para promover o turismo rural entre a mocidade galega. A iniciativa terá lugar nas fins de semana dos meses de abril, maio e xuño e nela poderán participar todas aquelas persoas que teñan entre 18 e 35 anos.

Máis información
Ver web xuventur: http://www.turgalicia.es
Solicitude

Programa "Roteiros para a xuventude

A Dirección Xeral de Xuventude e Voluntariado está ultimando a organización de "Os roteiros para a xuventude", unha actividade lúdica, medioambiental e de aventura na que participarán máis de 1.000 mozos e mozas de toda Galicia de entre 18 e 30 anos. En menos de quince días esgotáronse xa máis de 800 prazas, polo que aqueles que queirades participar tendes que darvos présa en anotarvos.

Máis información
Ver web: http://www.xuventude.net

Campaña de reciclaxe de móbiles "Mobilízate pola selva"

Campaña do instituto Jane Goodall que combina reciclar móbiles e colaborar con proxectos de educación ambiental e conservación de hábitats na República do Congo.

CEIDA colabora en Galicia con esta campaña del Instituto Jane Goodall

 

 

Na actualidade, a taxa de reciclaxe de móbiles é inferior ao 5%. En España existen máis de 52 millóns de liñas de teléfonos móbiles. A este número hai que engadir aqueles móbiles máis antigos que se cambian e os cidadáns gardan ou tiran ao lixo.

A explotación do mineral coltán que fai posible a tecnoloxía dos móbiles, ordenadores e consolas está no centro dos conflitos bélicos que producen centos de miles de vítimas e refuxiados na República Democrática do Congo. A explotación mineira ilegal utiliza man de obra semiescravizada, destruíndo ademais os hábitats de moitas especies africanas, coma os chimpancés e os gorilas, en grave perigo debido á caza furtiva e a deforestación.

Todo aquel que queira colaborar na protección dos ecosistemas africanos pode facelo achegando o seu móbil en desuso (en funcionamento ou non) ou recolléndoos entre amigos e familiares porque así contribuirá a reutilizar terminais e reducir a demanda dos seus compoñentes, a reutilizar elementos útiles e dispor adecuadamente de materiais tóxicos, evitando a contaminación do medio, e a recadar fondos para os programas de educación e conservación no Congo, como o Centro de Recuperación de Chimpancés de Tchimpounga.

Máis información: http://www.movilizateporlaselva.org/es/