|
 O
Concello de Soutomaior colabora coa
CAMPAÑA DE VERÁN 2004, da Xunta
de Galicia.
A
Concellería de Xuventude do Concello
de Soutomaior colaborou na
organización da actividade
CAMPAMENTOS ITINERANTES DE KAIAK DE
MAR que se realizou dentro da
campaña de verán deste ano.
Este
ano, propuxéronse por primeira vez
dous campamentos itinerantes de
kaiak de mar durante 7 días, polas
Rías Baixas durante os meses de
xullo e agosto , para mozos e mozas
de entre 18 e 30 años. Esta
actividade foi pioneira en Galicia e
no resto do Estado, converténdose
deste xeito nunha iniciativa moi
importante para os deportes de mar
en Galicia a nivel deportivo e
cultural, xa que, combina aspectos
deportivos, culturais e lúdico –
recreativos.
O
primeiro campamento desenvolveuse
dende Vilanova de Arousa ata Aldán
(ría de Pontevedra) pasando por O
Grove, Illa de Ons, Portonovo, Illa
de Tambo e Bueu; en cada porto os/as
participantes durmiron en tendas de
campaña ou albergues. O segundo
realizouse dende Baiona ata Nigrán,
dándolle a volta completa á ría de
Vigo e pasando por Vigo, Soutomaior,
Moaña, Cangas do Morrazo e Illas
Cíes.
Na
organización da segunda ruta, ó seu
paso polo Concello de Soutomaior,
este grupo de Kaiakistas pasaron a
tarde/noite do 3 de agosto no noso
Concello, compartindo albergue coas
persoas que recorren o Camiño de
Santiago.
Os
obxectivos desta actividade eran
dous: o de descubrir o kaiak de mar
dun xeito guiado e o de coñecer
mellor a cultura mariñeira e
marítima das nosas Rías Baixas
galegas dado que nesta actividade
participou xente de toda Galicia ,
con tal fin, a Concellería de
Xuventude colaborou coa Xunta de
Galicia organizando as actividades
terrestres, para que durante a
xornada o grupo de persoas coñecese
os lugares máis simbólicos do noso
Concello destacando entre estes o
Castelo e o seu xardín botánico ,
así como, aqueles outros aspectos
que forman parte da nosa gastronomía
e cultura mariñeira. Para este fin
organizamos unha visita guiada polo
Castelo e polo xardín botánico,
actividade que rematou cunha
recepción dos/as participantes, por
parte do Alcalde e do Concelleiro de
Xuventude convidando ós Kaiakistas a
unha degustación da xa tan popular
OSTRA DE ARCADE.
FOTOGRAFÍAS DA ACTIVIDADE
|
