CONTIDO: A tarefa de educar é unha tarefa ardua e complicada, polo que, promovemos este proxecto de apoio familiar denominado “Escola de pais e nais: por e para unha mellor convivencia”, para a configuración dun novo espazo de formación, orientación e reflexión sobre a dinámica familiar como instrumento para o traballo conxunto no que as familias, a administración local e a escola configuren unha forma de traballo grupal e sistémica, inspirada en valores de colaboración e complementariedade e, que de maneira organizada proporcione a formación dos/as pais e nais para educar aos seus/súas fillos/as mellorando así as relacións familiares e da comunidade.

OBXECTIVOS:

• Sensibilizar ós pais e as nais acerca das necesidades psicosociais dos integrantes da familia
  nos diversos momentos do desenvolvemento e a incidencia dos comportamentos familiares na   promoción de coñecementos nos seus fillos e fillas.
• Construír un espazo de reflexión para pais e nais sobre situacións cotiás e sobre
  criterios básicos de funcionamento do grupo familiar.
• Analizar os tipos de familia que podemos atopar e as diferentes etapas que recorre a familia
  no seu ciclo vital.
• Favorecer la comunicación no grupo familiar e co entorno comunitario facilitando a creación
  de redes sociais.
• Dotar aos pais e ás nais de ferramentas que posibiliten un crecemento integral dos seus fillos
  e fillas e do grupo familiar.
• Formar e informar ás familias sobre temas de actualidade.
• Axudar a detectar o antes posible as problemáticas que poidan xurdir na familia.

No desenvolvemento deste proxecto colaboran as familias, o Colexio Manuel Padín Troiteiro
e as ANPAS do Colexio Manuel Padín Troiteiro e Santiago Apóstolo.

DESTINATARIOS/AS: pais e nais do municipio de Soutomaior

CRONOGRAMA: a primeira convocatoria de reunión do cursos 2006 - 2007 será o xoves 26 de outubro no salón de actos do CEI Padín Truiteiro ás 19,00 h.

As clases darán comezo no mes de novembro de 2006 e rematarán en xuño de 2007.

INSCRICIÓNS E INFORMACIÓN: OMIX, r/Illas Alvedosas, 3 – 36690
Concello de Soutomaior – Tfno.: 986 700 822 , omix@soutomaior.com

Descargar formulario de inscrición para imprimir

Descargar formulario coas normas de organización interna da Escola

PROMOVEN: ANPA Negueirós do Colexio Manuel Padín Troiteiro e Concellería de Xuventude do Concello de Soutomaior.

  Envíanos a túa consulta