DENOMINACIÓN: OBRADOIRO: Uso e aproveitamento das plantas


OBXECTIVOS XERAIS:
Mostrar cómo moitos vexetais foron empregados para usos medicinais e outros serviron para ornamenta-las teas e madeiras: as tinguiduras.

OBXECTIVOS ESPECÍFICOS: Aprender a fabricar tinguiduras con vexetais comúns e a preparar alcohois de uso medicinal, aceites e vinagres aromáticos

MATERIAIS EMPREGADOS:

• Aceite de oliva

• Vinagre

• Alcohol

• Plantas medicinais e aromáticas e extractos destas: romeiro, tomiño, nébeda, loureiro, ourego, allo, menta, etc.

• Plantas para tinguiduras: col lombarda, cebola, té, etc.

• Recipientes de vidro

• Unha ola ou tarteira

• Cociña

• Fíos ou cordeis

• Teas e panos para as tinturas

• Luvas de goma

• Panos e material de limpeza

DESENVOLVEMENTO DA ACTIVIDADE: A actividade desenvólvese en dúas partes, cada unha cunha finalidade distinta.

1ª- Obtención de tinguiduras das distintas plantas, e a tintura dun pano coas tinguiduras obtidas.

2ª- Preparación de alcohois de uso medicinal, de aceites e vinagres aromáticos.

A actividade comeza cunha explicación dos procesos que se van levar a cabo e os usos das distintas especies vexetais das que se dispón. Así mesmo, estudiaranse outros usos e outras plantas que, pola súa complexidade, non se poden realizar
na aula.

Ó rematar a actividade, todos os participantes levarán un pano tinxido por eles mesmos, alcohol, vinagre ou aceite (á súa elección).

Así mesmo levarán o material didáctico cós usos principais das plantas máis coñecidas. Tamén se levarán curiosidades de moitas plantas e outros consellos.

LUGAR: casa da cultura de Arcade

DÍA E HORA: sábado 20 de decembro de 2003

COLABORA:

Consellería de Medioambente

Xunta de Galicia
 

DENOMINACIÓN: Debuxa o Nadal

II CONCURSO DE POSTAIS DE NADAL
A CONCELLERÍA DE XUVENTUDE do Concello de Soutomaior convoca o II CONCURSO DE POSTAIS DE NADAL con motivo da celebración destas festas para que así poidamos entre tod@s plasmar as nosas ideas sobre elas compartindo diferentes visións e expresando de maneira artística o que estas datas significan.

BASES

A temática será o Nadal en Soutomaior

No caso de que a postal teña texto, este deberá estar escrito en galego

Poderán participar neste concurso persoas deste e doutros Concellos

Estableceranse cinco categorías en función das idades dos/as participantes:

Categoría A: idades de 0 a 4 anos
Categoría B: idades de 5 a 9 anos
Categoría C: idades de 10 a 14 anos
Categoría D: idades de 15 a 18 anos
Categoría E: de 18 anos en diante

Cada persoa presentará unha única postal, que deberá ser inédita.

O tamaño das postais será DIN-A4, o soporte libre e a técnica libres, debendo reunir o deseño uns mínimos.

As postais deberán entregarse dentro dun sobre pechado. No interior introducirase un folio cos seguintes datos persoais do/a autor/a:

NOME E APELIDOS
IDADE E CATEGORÍA
LUGAR DE RESIDENCIA
TELÉFONO DE CONTACTO

As postais entregaranse en:

Oficina Municipal de Información Xuvenil do Concello de Soutomaior
R/ Illas Alvedosas, núm. 3 entresolo
36690 Concello de Soutomaior
Teléfono/Fax: 986 700 822
e-mail: omix@soutomaior.com

NOTA: os colexios poderán reunir tódalas postais e envialas todas xuntas nun mesmo sobre sempre e cando se especifiquen ben os datos dos/as autores/as.

O prazo de presentación das postais REMATARÁ O 19 DE DECEMBRO ÁS 20:00 HORAS.

Os premios serán os seguintes:

Premiaranse tres postais por categoría:

Categoría A

1º Premio: Lote de libros + lote deportivo valorado en 50 €

2º Premio: Lote de Nadal

3º Premio: Lote de Nadal

Categoría B

1º Premio: Lote de libros + lote deportivo valorado en 50 €

2º Premio: Lote de libros

3º Premio: Lote de libros

Categoría C

1º Premio: Lote de libros + lote de Nadal

2º Premio: Lote de Nadal

3º Premio: Lote de Nadal

Categoría D

1º Premio: Cesta de Nadal + Lote deportivo valorado en 50 €

Categoría E

1º Premio: cena + lote deportivo valorado en 50 €

2º Premio: lote de libros + lote de Nadal

3º Premio: lote de libros + lote de Nadal

NOME DOS PREMIADOS/AS

Categoría A

1º Premio: Nerea Rodríguez González

2º Premio: Diego Martínez Orge

3º Premio: Damián Lourido Santiago

Categoría B

1º Premio: Alejandro Rial Lorenzo

2º Premio: Carla Vázquez Santos

3º Premio: Daniel Rodríguez Peón

Categoría C

1º Premio: Carlos Acuña Rubianes

2º Premio: Arantxa Esperón Rivera

3º Premio: Tamara Villamar Torres

Categoría D

1º Premio: Yasmina Rubianes

Categoría E

1º Premio: Mª Jesús Vidal Rey

2º Premio: Monserrat Rubianes Míguez

3º Premio: José Angel Pérez Outón

ORGANIZA: Concellería de Xuventude

Concello de Soutomaior

COLABORA: Concellería de Deportes

Concello de Soutomaior
 

DENOMINACIÓN: Proxecto de Reciclaxe

Crea e recicla aplicando os tres “R”

1. Introducción

De seguro que todos nós, algunha vez nos detivemos a pensar na cantidade de lixo que xeramos diariamente nas nosas casas e no noso entorno. Diariamente prodúcense toneladas de lixo, co que non sabemos que facer sendo, o habitual, mete-lo nunha bolsa e tira-lo pola noite no contedor que este máis preto da nosa casa.

Pero, ¿logo que pasa? A maior parte do noso lixo quéimase ou entérrase.

Se vai a queimar, o lixo lévase á incineradora pero o máis probable é que vaia a parar a un vertedoiro controlado que nun futuro acabará converténdose nun parque.

Na actualidade os vertedoiros empezan a ser un problema porque cada vez están máis cheos e xa non cabe o lixo neles. Ademais, estes espacios poderían empregarse para outros fins como: parques, escolas, ... ou espacios ó aire libre para
ser disfrutados por todos e todas nós. Outro inconvinte é que os vertedoiros poden ser perxudiciais para a saúde porque cando chove a auga mestúrase co lixo e forma un caldo tóxico que pode filtrarse na terra, penetrando esta auga ata a
auga que bebemos. E, se optamos por queimar o lixo atoparémonos co problema de almacenar ou enterrar as cinzas, que tamén son tóxicas para a nosa saúde.

As solucións son complicadas á hora de enterra-lo lixo en vertedoiros ou queima-lo en incineradoras por iso hai que buscar alternativas que nos axuden a controlar os residuos entre todos/as.

Existe unha solución ó problema denominada os TRES ERRES:

• Reducir

Existen outras alternativas como reduci-lo lixo mercando menos cousas que despois se poden tirar cando nos cansamos delas e, en vez de tira-las podemos reutiliza-las ou darllas a alguén. Significa tirar menos cousas.

• Reutilizar

Supoñamos que en lugar de tirar cousas como botes e botellas, levámosllas a alguén que poida convertelas outra vez en productos reutilizables pois entón estaríamos reutilizando. Isto significa gardar e volver a utiliza-las cousas que normalmente se tirarían.

• Reciclar

Reciclar significa converter unha cousa vella en outra nova. Así como conseguir algo gratis. Non botar cousas ó lixo e darlle unha nova utilidade é unha proveitosa forma de axudar á saúde do planeta. Conseguimos así: aforrar recursos naturais, aforrar enerxías, producir menos contaminación, protexer ós animais e axudar a nosa comunidade porque o lixo
é moi caro.

A Concellería de Xuventude e Medioambente do Concello de Soutomaior propón para este Nadal un obradoiro de manualidades para a elaboración dun belén. A actividade baseada no principio das tres erres do reciclaxe permitirá traballar contidos relacionados coa conservación do noso medio ambiente e da importancia que teñen os residuos para conseguir este obxectivo. Todos os materiais empregados procederán dos residuos que habitualmente xeramos nas nosas casas e entorno.

2. Obxectivos

O obxectivo principal é o de concienciar da gran cantidade de lixo que consumimos diariamente dándolle máis valor ós residuos. Convencidos de que temos que educar promovendo unha cultura que respecte ó medio ambiente fronte á cultura do “usar e tirar”

 

 
 
 3. Metodoloxía

Participativa e dinámica. Estableceremos grupos de traballo. O elemento identificador de cada grupo será o material de reciclaxe co que se vaia a traballar para crear unha figura confeccionada para o belén. O obradoiro constará de dúas tarefas diferenciadas:

• Creación e elaboración das figuras ou elementos do Belén

• Composición e recreación do espacio para ubicalo

O belén configurarase mediante dous espacios : un principal instalado nunha parede, na cal se representarán, en relevo,
as figuras principais do pesebre e, outro no que se representarán o resto dos elementos a tamaño real.

Os número de grupos dependerá tamén do número de participantes, contando cunha monitora para cada grupo. As tarefas distribuiranse en función dos interéses e idades das persoas.

Ó comezo de cada xornada farase un breve resumo do traballo realizado o día anterior expoñendo, a continuación, o que está planificado para ese día.

O proceso de elaboración do belén está aberto a novas suxerencias, quedando sempre a disposición da imaxinación e creatividade dos/as participantes, das monitoras, etc, intentado crear un espacio no que se compartan experiencias, coñecementos e ilusións.

Empregaremos lixo doméstico e residuos urbanos, involucrando na recompilación do material os/as persoas que participen no obradoiro, sendo eles e elas quenes deban aportalos. Tamén colaborarán na clasificación e organización do mesmo.

4. Destinatarios/as

Poderán participar e implicarse neste proxecto todas as persoas do Concello maiores de 10 anos (no caso de ter unha idade inferior deberán vir acompañados/as dun/ha adulto/a).

Interésanos motivar a persoas de diferentes idades porque isto é moi enriquecedor ó mesturarse diferentes puntos de
vista e formas de vida.

O número de destinatarios/as non será maior de trinta diariamente, intentando que haxa unha continuidade na súa participación.

5. Recursos:

Humanos:

• Unha coordinadora

• Unha monitora en prácticas (estudiante de 2º curso de Educación Social)

• Unha voluntaria

Materiais:

Lixo doméstico

• Papel e cartón: Periódicos, revistas, folletos, catálogos, mostrarios, papel de impresora, papeis de caramelos, de bombóns, de galletas, cartón dos rolos de cociña acabados, cartón dos rolos de papel hixiénico, todo tipo de
  envases e embalaxes de cartón de diferentes tamaños, formas e texturas e grosores, oveiras, cartóns de bebidas, cartóns de deterxente, de cereais, etc.

• Vidro: Envases de varios tamaños: botellas de auga, refrescos, leite, iogures, limpeza, etc.

• Plástico: Bolsas de todo tipo, botellas de leite, zumes, iogures, refrescos, auga, aceite, lexía; deterxente, cinzas, bandexas, pratos, vasos, tapóns, mallas de froitas, botóns, etc.

• Tecidos: Roupa de vestir, medias, chapeos, chaquetas, telas, cintas, sábenas, fíos, cordas.

• Materia orgánica: Cáscara de noces, abelás, pebidas, etc. Plumas, pan duro, sal gorda, cunchas, caparazóns, piñas, areas, cañas, etc.

• Metais: Latas de conserva, chapas, tapas de tarros, arames, botóns, anelas de latas (cana de pescar), etc.

Material mercado

• Para Pegar: Pegamento de barra e cola branca.

• Para unir:Cinta adhesiva, cinta de embalar, cordas, cordóns, lanas, fíos, cables. Grampadoras.

• Para cortar: Tesoiras, cutter.

• Para perforar: Cravos e punzón.

• Para pintar: Rotuladores, de diferentes puntas e grosores, pinceis, pintura, ceras brandas
  e duras, témperas, xiz de cores (musgo e terra).

6. Cronograma:

7. Avaliación: O proceso de avaliación será continuo:

• Inicial: ó comezo de cada xornada

• Durante: a través de notas de campo, consultas, observación.

• Final: a través dun cuestionario e dunha reunión.